डोटीमा कांग्रेसको प्रदेश तथा प्रतिनिधिसभा क्षेत्रीय अधिवेशन उद्घाटन

डोटी । नेपाली कांग्रेसको १५औँ महाधिवेशनअन्तर्गत डोटी जिल्लाका प्रदेश तथा प्रतिनिधिसभा क्षेत्रीय अधिवेशन सुरु भएको छ।

दिपायलको राजपुरस्थित सेती सभाहलमा आयोजित कार्यक्रमबीच नेपाली कांग्रेसका केन्द्रीय सदस्य एवं प्रतिनिधिसभा सदस्य भरतबहादुर खड्काले अधिवेशनको उद्घाटन गरेका हुन्।

अधिवेशनले प्रदेशसभा तथा प्रतिनिधिसभा क्षेत्रीय कार्यसमितिका साथै महाधिवेशन प्रतिनिधि चयनका लागि आवश्यक प्रक्रिया अघि बढाउनेछ। कांग्रेसको महाधिवेशन प्रक्रिया अघि बढेसँगै डोटीमा पनि नेतृत्व तथा प्रतिनिधि छनोटका लागि आन्तरिक प्रतिस्पर्धा तीव्र बनेको छ।