चितुवाको आक्रमणबाट बाजुरामा बालकको मृत्यु

बाजुरा । चितुवाको आक्रमणबाट बाजुरामा एक बालकको मृत्यु भएको छ । जिल्ला प्रहरी कार्यालय बाजुराले दिएको जानकारी अनुसार खप्तड छेडेदह गाउँपालिका–३ धुर्तोलाका ८ वर्षीय विजय रावतको आइतबार साँझ चितुवाको आक्रमणबाट मृत्यु भएको हो ।

जिल्ला प्रहरी कार्यालयका प्रहरी निरीक्षक देबबहादुर चौधरीका अनुसार घरनजिकै आँगनमा खेलिरहेको अवस्थामा चितुवाले रावतमाथि आक्रमण गरेको हो । उनको घटनास्थलमै मृत्यु भएको चौधरीले बताएका छन् ।

शव परीक्षणका लागि जिल्ला अस्पताल बाजुरा ल्याइएको प्रहरी निरीक्षक चौधरीले बताए।