July 18, 2024, Thursday
३ श्रावण २०८१, बिहीबार

बझाङमा कांग्रेस-एमालेबीच कडा टक्कर

बझाङ: बझाङ प्रदेश सभा क्षेत्र नंं. १ मा चलिरहेको मतगणनामा नेपाली कांग्रेस र नेकपा एमालेबीच भारी प्रतिस्पर्धा भइरहेको छ । हिजो मतगणना सुरु भएदेखि नै अग्रता लिइरहेका एमालेका दमनबहादुर भण्डारी मध्यरातबाट ओरालो लागेका छन् । बिहानसम्म आइपुग्दा कांग्रेसका अभिषेक सिंहले झिनो अग्रता लिएका छन् ।
सिंहले ७ हजार ४९२ मत प्राप्त गर्दा एमालेका भण्डारीले ७ हजार २२८ मत पाएका छन् । दुबैबीचको मतान्तर २६४ छ । यस्तै माओवादी केन्द्रका जनक बुढाले दुई हजार ८९५, नेकपा एसका दिल बहादुर सिंहले दुई हजार १०२ मत पाएका छन् ।
हालसम्म छबिसपाथिभेरा गाउँपालिका ,थलारा गाउँपालिका वडा नम्बर ९ र खप्तडछान्ना गाउँपालिका, जयपृथ्वी नगरपालिका र सुर्मा गाउँपालिकाको मत गणना सकिएको छ ।