कैलालीको झिलमा ट्रकको ठक्करबाट ५ वर्षीय बालकको मृत्यु

धनगढी । कैलालीमा ट्रकको ठक्करबाट ५ वर्षीय बालकको मृत्यु भएको छ ।

पूर्व–पश्चिम राजमार्गअन्तर्गत गौरीगंगा नगरपालिका–२ झिलमा मंगलबार बिहान करिब साढे ८ बजे से १ क १३५२ नम्बरको ट्रकले ठक्कर दिँदा स्थानीय ५ वर्षीय देवराज देउवाको मृत्यु भएको प्रहरीले जनाएको छ ।

ट्रकको ठक्करबाट गम्भीर घाइते भएका देउवाको धनगढीस्थित माया मेट्रो अस्पतालमा उपचारका क्रममा मृत्यु भएको हो ।

दुर्घटनापछि ट्रक र चालक लम्कीचुहा नगरपालिका–२ का सुनिल चौधरीलाई इलाका प्रहरी कार्यालय मालाखेतीले नियन्त्रणमा लिएको छ । प्रहरीले घटनाबारे थप अनुसन्धान गरिरहेको जनाएको छ ।