महाकाली नदीमा बगेर ५० वर्षीय पुरुष बेपत्ता

धनगढी । कञ्चनपुरको दोधाराचाँदनी नगरपालिका–४ स्थित महाकाली नदीमा बगेर एक जना पुरुष बेपत्ता भएका छन्।

सोमबार बिहान करिब साढे ९ बजे मालिका टोलका ५० वर्षीय जित दमाई गाई तार्ने क्रममा महाकाली नदीको टापुबाट बगेको जिल्ला प्रहरी कार्यालय कञ्चनपुरले जनाएको छ।

जिल्ला प्रहरी कार्यालयका प्रहरी निरीक्षक वीरेन्द्र थापाका अनुसार दमाईको खोजीका लागि नेपाल प्रहरी र सशस्त्र प्रहरीको संयुक्त टोली परिचालन गरिएको छ। तर, सोमबार दिउँसोसम्म उनको अवस्था अज्ञात रहेको प्रहरीले जनाएको छ।