धनगढीमा लागुऔषध सहित दुई जना पक्राउ

धनगढी भदौ १ (ई-रैवार): धनगढीमा लागुऔषध सहित दुई जना पक्राउ पक्राउ परेका छन्। अछाम मंगलसैन नगरपालिका वडा नम्वर ५ घर भई हाल धनगढी १ बस्ने बर्ष २२ का गणेश खत्री र धनगढी– बस्ने बर्ष २० का लोकेन्द्र बोहरालाई प्रहरीले पक्राउ गरेको हो।
धनगढी उप–महानगरपालिका वडा नम्वर १० जुगेडा स्थित सिमा नाका मोहना नदी तर्फ जाने ग्रावेल सडक खण्डमा भारत तर्फ बाट आइरहेको से ५ प ११४८ नम्बरको मोटरसाईकलमा आउदै गरेका उनीहरुले लुकाईछिपाई ल्याएको चार ग्राम तीन सय ६० मिलि ग्राम लागु औषध (खैरो हिरोईन) सहित पक्राउ गरिएको हो। उनीहरुलाई पक्राउ गरि अनुसन्धान भईरहेको जिल्ला प्रहरी कार्यालय कैलालीका प्रहरी नायव उपरिक्षक दक्षकुमार बस्नेतले बताए।