बझाङमा जीप दुर्घटना हुँदा चारजना घाइते

बझाङ । बझाङमा जीप दुर्घटना हुँदा चारजना घाइते भएका छन्। प्रहरीका अनुसार बझाङको तलकोट गाउँपालिकाबाट सदरमुकाम चैनपुरतर्फ आउँदै गरेको बा१८च ५१४९ नम्बरको जीप भोपूरमा दुर्घटना भएको हो।

सात जना यात्रु चढेको उक्त जीप तीव्र गतीका कारण सडकमै पल्टिएको जिल्ला प्रहरी कार्यालय बझाङका सूचना अधिकारी इन्स्पेक्टर लोकेन्द्र ठगुन्नाले जानकारी दिएका हुन।

दुर्घटनामा घाइते हुनेहरुमा जीपका चालक तलकोट गाउँपालिका–१ का ५६ वर्षीय बीरबहादुर बम, सोही ठाउँकी ४५ वर्षीया धनलक्ष्मी बम, जयपृथ्वी नगरपालिका–११ का १७ वर्षीय शङ्कर धामी र सोही ठाउँका २५ वर्षीया विद्या बोहोरा रहेको सूचना अधिकारी इन्स्पेक्टर ठगुन्नाले बताएका छन्।

उनीहरूको अवस्था सामान्य रहेको र जिल्ला अस्पताल बझाङमा उपचार भइरहेको प्रहरीले जनाएको छ।