राजस्व सङ्कलनका लागि बैंकका सबै शाखा खुला राख्न राष्ट्र बैंकको निर्देशन

काठमाडौं, भदौ २३ (ई-रैवार)

नेपाल राष्ट्र बैंकले राजस्व सङ्कलनका लागि बैंक तथा वित्तीय संस्थाको काउण्टर खुला गर्न निर्देशन दिएको छ । नेपाल राष्ट्र बैंकले यही भदौ २५ गतेसम्म नेपाल सरकारको राजस्व सङ्कलनका लागि बैंक तथा वित्तीय संस्थाको काउण्टर खुला गर्न निर्देशन दिएको हो ।

नेपाल राष्ट्र बैंकले सरकारको राजस्व बुझाउने प्रयोजनका लागि आजदेखि लागु हुने गरी भदौ २५ गतेसम्म राजस्व कारोवार गर्ने बैंक तथा वित्तीय संस्थाका सम्पूर्ण शाखा र काउण्टर खुला गर्न केन्द्रीय बैंकले निर्देशन दिएको छ ।

यस्तै केन्द्रीय बैंकले नेपाल क्लियरिङ हाउस लिमिटेडको कार्यालयसमेत खुला राख्न निर्देशन दिएको छ । पछिल्ला दिनमा निषेधाज्ञाका कारण बैंक तथा वित्तीय संस्थाले सीमित मात्रै शाखा कार्यालय सञ्चालन गरिरहेका थियो ।