भोटेकोशी बाढीमा डोटीका दीपक महरा सम्पर्कविहीन

धनगढी । रसुवास्थित भोटेकोशी नदीमा गत बुधबार आएको बाढीपछि डोटीका दीपक महरा सम्पर्कविहीन भएका छन्।

शिखर नगरपालिका–४ का महरा हाइड्रोपावर निरीक्षणका क्रममा रसुवा पुगेका थिए। परिवारका अनुसार भदौ ९ गते महरासहित चार जना हाइड्रोपावर निरीक्षणका लागि रसुवा गएका थिए।

महरा केरुङ हाइड्रोपावरको २३० केभी मैलुङ क्षेत्रमा सम्पर्कविहीन भएको बताइएको छ। उनको मोबाइलको अन्तिम लोकेसन त्रिशूली टावरमा देखिएको र बुधबार बिहान ९ः१२ बजे मोबाइल बन्द भएको उनका भाइ पवन महराले जानकारी दिएका छन्।

महराबारे जानकारी पाउने वा उनलाई फेला पार्ने जोकोहीलाई ९८५८४८९००० मा सम्पर्क गर्न परिवारले आग्रह गरेको छ।