आरडिटीमा ‘नेगेटिभ’ आउदा घर पठाईएका युवाको मृत्युपछि पीसीआर परिक्षण गर्दा कोरोना पुष्टि

Eraibar
२०७७ जेष्ठ २३, शुक्रबार १०:०९

7 Shares

सुर्खेत जेठ २३ (ई-रैवार)

सुर्खेत पञ्चपुरी नगरपालिका-१ का २० वर्षीय एक युवा यही जेठ ७ गते भारतबाट आएर स्थानीय जनता मावि विद्यापुरको क्वारेन्टिनमा बसालिए ।

उनको बुधबार(जेठ २१) मा आरडीटी जाँच गर्दा नतिजा ‘नेगेटिभ’ आयो । त्यसैदिन दिउँसो उनलाई घर पठाईयो ।

घर पठाईएको राती नै दुई बजेतिर उनको मृत्यु भयो ।मृत्युपछि पीसीआर जाँच गर्दा उनमा पोजेटिभ आएपछि कोरोनाले मृत्यु भएको पुष्टि भएको छ ।

मृत्यु भएपछि पीसीआर जाँचका लागि बिहीबार नै स्वाब संकलन गरी सदरमुका वीरेन्द्रनगर पठाइएकोमा राति नै रिपोर्ट पोजेटिभ आएको जानकारी आएको वडाध्यक्ष धनबहादुर थापाले बताए ।

मृतक युवकको शवलाई प्रहरीले सुरक्षा दिइरहेको र दाहसँस्कारका लागि वीरेन्द्रनगरबाट सेनाको टोली आउने तयारी गरेको उनले बताए ।

मृतक युवकसँगै जनता माविको क्वारेन्टाइनमा ५४ जना थिए । उनीहरुको कोरोना परीक्षण गर्दा तीन जनालाई पोजेटिभ देखियो । युवकसँग बसेका पाँच जनाको रिपोर्ट भने नेगेटिभ आएको थियो ।

योसँगै नेपालमा कोरोनाले मृत्यु हुनेको संख्या ११ पुगेको छ भने कर्णालीमा मात्रै दुई पुगेको छ । यसअघि दैलेखमा क्वारेन्टाइनमै मृत्यु भएका युवकमा पनि कोरोना पुष्टि भएको थियो ।

आरडिटीमा ‘नेगेटिभ’ आउदा घर पठाईएका युवाको मृत्युपछि पीसीआर परिक्षण गर्दा कोरोना पुष्टि

प्रतिकृया दिनुहोस्

बैंक तथा वित्तीय ऋणको ब्याजदर इतिहासकै न्यून विन्दुमा

प्रधानमन्त्री बालेनले आज सबै समानुपातिक सांसदसँग अन्तरक्रिया गर्दै

कांग्रेसको अनुशासन र कार्यसम्पादन समिति बैठक बस्दै, खड्कालाई स्पष्टीकरण सोध्ने तयारी

नेपाली बजारमा सुनको भाउ तीन लाख नाघ्यो, चाँदीमा पनि वृद्धि

कर्णाली नदीमा डुंगा पल्टँदा दुईजना बेपत्ता, खोजीकार्य जारी