डोटीको सायलमा भयो चार जनाको घरमा आगलागी

डोटी । डोटीको सायल गाउँपालिकामा चार घरमा आगलागी भएको छ । आइतबार डोटीको सायल गाउँपालिका–३ का चार जनाको घरमा आगलागी हुँदा एक लाख बढीको क्षति भएको प्रहरीले जनाएको छ।

सायल गाउँपालिका–३ का पदी बिष्ट, प्रताप बिष्ट, चन्द्र बिष्ट र नर बिष्टको घरमा आगलागी भएको हो । पदि बिष्टको चौपाया बाँध्ने एकतले खरले छाएको घरमा खाना पकाउने क्रममा अचानक आगोको झिल्का लाग्दा आगलागी भएको जिल्ला प्रहरी कार्यालय डोटीका डिएसपी भीमलाल भट्टराईले जानकारी दिए।

आगलागीबाट चार जनाको १÷१ तले छाना र पदि बिष्टका २ वटा गाइका बाच्छा जलेर घाइते भएका जनाइएको छ। आगलागीबाट १ लाख ४० हजारको क्षति भएको जनाएइको छ। आगलागी नियन्त्रणमा आइसकेको प्रहरीले जनाएको छ।