अरीङ्गालको टोकाईबाट डोटीमा एक महिलाको मृत्यु

डोटी, कार्तिक १७ (ई-रैवार)

डोटीको आदर्श गाउपालिकामा अरीङ्गालको टोकाईबाट एक महिलाको मृत्यु भएको छ । आदर्श गाउपालिका वडा नम्बर १ वाझ ककानीको वाहुनटा टोलका ७५ बर्षिय कटी लुहारको अरीङ्गालको टोकाईबाट मृत्यु भएको हो ।

जिल्ला प्रहरी कार्यालय डोटीका प्रहरी नायव उपरिक्ष प्रबक्ता इन्द्र मल्लका अनुसार गोरु चराउन जगल गएका बेला लुहारलाई अरीङ्गालले टोकेको थियो ।

स्थानिय मौवा नगरदह स्वास्थ्य चौकिमा उपचार पछि घरमा राखीएका बेला राति मृत्यु भएको स्थानियले बताएका छन ।

यहि कात्तिक ११ गते मात्रै डोटीको सायल गाउँपालिका–१ छपालीको रोकाया गाउँका वर्ष ५ र वर्ष ३ का गरी २ बालिकाको अरिङ्गालले टोकेरै ज्यान गएको थियो ।