डोटीको प्रयोगशालामा थप २ जनामा कोरोना संक्रमण पुष्टि

डोटी, भदौ २० (ई-रैवार)

जिल्ला अस्पताल डोटीको प्रयोगशालामा थप २ जनामा कोरोना संक्रमण पुष्टि भएको छ । पछिल्लो २४ घण्टामा १ सय ६ जनाको कोरोना परीक्षण भएकोमा डोटीका २ जनामा संक्रमण पुष्टि भएको हो ।

जिल्ला अस्पताल डोटीको प्रयोगशालाका इन्चार्ज शौरभ श्रेष्ठले दिएको जानकारी अनुसार कोरोना संक्रमण पुष्टि भएका दुबै जना पुरुष डोटीको सायल गाउँपालिका वडा नम्वर ६ का हुन् ।

अहिले सम्म डोटीमा ९ सय ५५ जनामा कोरोना संक्रमण भएको जिल्ला अस्पताल डोटीले जनाएको छ ।