डडेल्धुरा अस्पतालको प्रयोगशालामा थप १० जनामा कोरोना पुष्टि

डडेल्धुरा, भदौ १७ (ई-रैवार)

डडेल्धुरा अस्पतालको प्रयोगशालामा गरिएको परीक्षणमा थप १० जनामा कोरोना संक्रमण पुष्टि भएको छ । पछिल्लो २४ घण्टामा दुई सय ९० जनाको परीक्षण गरिएकोमा १० जनामा कोरोना पुष्टि भएको हो ।

प्रयोगशाला इन्चार्ज ईश्वरीप्रसाद भुसालले पछिल्लो २४ घण्टामा दुई सय ९० जनाको परीक्षण गरिएकोमा १० जनामा कोरोना पुष्टि भएको जानकारी दिएका हुन । भुसालका अनुसार डडेल्धुराका १ र बझाङका ९ जनामा संक्रमण पुष्टि भएको छ ।

डडेल्धुराको अमरगढी नगरपालिकाका १ जना, बझाङको दुर्गाथली गाउँपालिकाका ३ जना, मष्ठा गाउँपालिकाका ३ जना, जयपृथ्वी नगरपालिकाका २ जना र तल्कोट गाउँपालिकाका १ जना कोरोना संक्रमित भएको प्रयोगशाला ईन्चार्ज भुसालले बताएका छन ।