एसियाली खेलकुद : नेपाल आज अफगानिस्तानसँग भिड्दै

काठमाडौं । जापानमा जारी २०औँ एसियाली खेलकुदअन्तर्गत पुरुष क्रिकेटमा नेपालले आज आफ्नो पहिलो खेल खेल्दैछ। नेपालले समूह चरणको पहिलो खेलमा अफगानिस्तानसँग प्रतिस्पर्धा गर्न लागेको हो।

जापानको आइचीस्थित निशिनमा रहेको कोरोगी स्पोर्ट्स पार्कमा हुने खेल बिहान पौने ११ बजे सुरु हुनेछ।

नेपाल समूह ‘ए’ मा अफगानिस्तान र आयोजक जापानसँग रहेको छ। बिहीबार भएको समूहको पहिलो खेलमा अफगानिस्तानले जापानलाई पराजित गरिसकेको छ।

समूह चरणबाट शीर्ष दुई टोली क्वाटरफाइनलमा पुग्नेछन्। नेपाल क्वाटरफाइनलमा पुगेमा भारत वा श्रीलंकामध्ये एक टोलीसँग प्रतिस्पर्धा गर्नेछ।

यसअघि भएको एसियाली खेलकुदमा पनि नेपाल क्वाटरफाइनलसम्म पुगेको थियो। त्यतिबेला नेपाल भारतसँग पराजित भएको थियो।