बाजुरामा पहिरोले घर पुरियो, एकै घरका दुईको मृत्यू

बाजुरा साउन १७(ई–रैवार): पहिरोले घर पुरिदा एकै घरका दुई जनाको मृत्यू भएको छ । ५ जना घाईते भएका छन् । बाजुराको गौमुल गाउँपालिका–६ शान्तिटोलमा बिहीबार राति पहिरोले घर पुरेको हो । सो पहिरोमा परी दुईजनाको मृत्यू र ५ जना घाइते भएको जिल्ला प्रहरी कार्यालय बाजुराले जनाएको छ ।
मृत्यू हुनेमा ३० वर्षिया निरुता चदारा र उनकी ६ वर्षीया छोरी निस्मिता रहेको जिल्ला प्रहरी कार्यालय बाजुराले जनाएको छ । घाईते हुनेहरुमा निरुताका ससुरा ९० वर्षीय जंगे चदारा गम्भिर छन् । अन्य ४ जना सामान्य घाइते भएको प्रहरीले जनाएको छ ।
घटनापछि शुक्रबार बिहानै प्रहरी टोली घटनास्थलमा पुगेको थियो । घाइतेको उद्धार गरी अहिले जिल्ला अस्पताल बाजुरामा उपचार भईरहेको नायब प्रहरी उपरीक्षक उद्धवसिंह भाटले जानकारी दिए ।