डोटीको पूर्वीचौकीमा चट्याङ लागेर एक महिलाको मृत्यु

धनगढी । डोटीमा चट्याङ लागेर एक महिलाको मृत्यु भएको छ । प्रहरीका अनुसार एकजना महिला स्वास्थ्यकर्मी गम्भीर घाइते भएकी छन् ।

जिल्ला प्रहरी कार्यालय डोटीका अनुसार पूर्वीचौकी गाउँपालिका–२ वाडीमा चट्याङ लागेर सोही ठाउँ बस्ने ४० वर्षीया देउमती साउँदको मृत्यु भएको हो । उनी आफ्नै घरको झ्यालमा बसिरहेको अवस्थामा सोमबार साढे ५ बजेतिर चट्याङ लागेको थियो ।

गम्भीर घाइते भएकी उनलाई तत्काल उपचारका लागि जिल्ला अस्पताल डोटी लगिएको थियो । त्यहाँ चिकित्सकले मृत घोषणा गरेका हुन ।

यस्तै, चट्याङ लागेर सोही ‍ठाउँको बगलेक स्वास्थ्य चौकीमा कार्यरत अनमी ३६ वर्षीया अस्मिता ओली बिष्ट पनि गम्भीर घाइते भएकी छन् । उनलाई थप उपचारका लागि धनगढी ल्याइएको छ ।