दुर्गम गाउँमा ल्याब सेवा सुरु

सायल । डोटीको उत्तरी दुर्गम क्षेत्र सायल गाउँपालिकाको तोलेनी स्वास्थ्य चौकीमा स्वास्थ्य परीक्षण ‘ल्याब’ सेवा सुरु भएको छ । साइन नेपालको उपकरण सहयोगमा सायल गाउँपालिकाले आइतबारबाट सेवा सुरु गरेको हो ।

साइन नेपालले उपकरण, परीक्षण किटहरूलगायतका आवश्यक सामग्री उपलब्ध गराएको सायल गाउँपालिका अध्यक्ष धर्मराज जोशीले बताए । ‘साइन नेपालबाट ल्याब स्थापनाका लागि चाहिने सामग्री र उपकरण उपलब्ध भएपछि गाउँपालिकाबाट आवश्यक दक्ष जनशक्तिको पनि व्यवस्था गरेका छौं,’ अध्यक्ष जोशीले भने ।

यस्तै प्रसुती गृहका लागि चाहिने प्रसुती शैयालगायतका सामग्री पनि प्रदान गरिएको साइन नेपालका अध्यक्ष भक्तराज जोशीले जानकारी दिए ।
यसअघि गाउँपालिकाकै डौड स्वास्थ्य चौकीमा पनि ल्याब सेवा सञ्चालन गर्दै आएको छ ।