डोटीमा जीप दुर्घटना, ६ जना घाइते

डोटी । डोटीमा जीप दुर्घटना भएको छ । जिल्ला प्रहरी कार्यालय डोटीका अनुसार झिग्रानाबाट सिलगढी आउदै गरेको रा १ ज ९१५ नम्बरको बोलेरो जिप पानिखालमा दुर्घटना भएको हो ।

प्रहरीका अनुसार ६ जना घाइते भएका छन् । घाइते सबैको अवस्था सामान्य रहेको प्रहरीले जनाएको छ । जिप १२ जना सवार रहेका थिए ।

घाइते हुनेमा सायल गाउँपालिका-३ का ५० वर्षीय भारमल खाती, ४५ वर्षीय माने खाती, ३० वर्षीय अमृत खाती, ३२ वर्षीय गम्भीरे खाती, पुर्विचौकी गाउँपालिका-२ का २४ वर्षीय दीपक ठकुल्ला र बाबा आनन्द गिरी रहेका छन् ।

घाइतेको जिल्ला अस्पताल डोटीमा उपचार भइरहेको छ । घाइते मध्ये गम्भीरे खातीलाई थप उपचारका लागि जिल्ला बाहिर रेफर गर्ने तयारी भइरहेको जिल्ला अस्पताल डोटीका डाक्टर समिक सिंहले जानकारी दिए । 

चालक भने फरार रहेको प्रहरीले बताएको छ ।