महाकाली नदीमा नुहाउने क्रममा दुई किशोरी बेपत्ता

धनगढी : महाकाली नदीमा नुहाउने क्रममा दुई किशोरी बेपत्ता भएका छन् । जिल्ला प्रहरी कार्यालयका अनुसार बैतडीको दशरथचन्द नगरपालिका–८ स्थित मौरामा महाकाली नदीमा नुहाउन गएका किशोरी बेपत्ता भएका हुन ।

जिल्ला प्रहरी कार्यालयका प्रहरी निरीक्षक लोकराज जोशीले मौराकै १४ वर्षीया संगिता टमटा र १५ वर्षीया कविता टमटा नदीमा नुहाउने क्रममा बेपत्ता भएको जानकारी दिएका छन् ।

प्रहरी निरीक्षक जोशीका अनुसार शुक्रबार दिउँसो करीब २ बजे घरबाट नुहाउन भनेर हिडेका उनीहरुसँगै रहेकी अर्की किशोरीले बेपत्ता भएको खबर गरेकी थिइन् ।

अहिले जिल्ला प्रहरी कार्यालय, सशस्त्र प्रहरीको टोली र स्थानीय बासीहरु बेपत्ता किशोरीहरुको खोजी कार्यमा जुटेका छन ।