कैलालीमा लागू औषधसहित ४ जना पक्राउ

धनगढी ; कैलालीमा लागू औषधसहित ४ जनालाई पक्राउ गरेको छ। सशस्त्र प्रहरीले शनिबार टीकापुर नगरपालिका–८ खक्रौला नाकाबाट पक्राउ गरिएको हो ।

टीकापुर नगरपालिका–८ खक्रौला नाकाबाट टीकापुर नगरपालिका–७ बस्ने ३२ वर्षीय चित्रराज जैसी, २२ वर्षीय कृष्ण हमाल, २३ वर्षीय आकाश सुनार र ३५ वर्षका मदन विक पक्राउ परेका हुन्।

उनीहरुलाई पक्राउ गरिएको सशस्त्र प्रहरी बल नेपाल नं. ३४ गण हेडक्वाटर कैलालीले जनाएको हो। उनीहरूको साथबाट स्पास्मो प्रोक्सी प्लस क्याप्सुल २० ओटा फेला परेको प्रहरीले जनाएको छ।

पक्राउ परेका चारैजना र बरामद २ ओटा मोटरसाइकल आवश्यक कारबाहीको लागि इलाका प्रहरी कार्यालय टीकापुरलाई बुझाएको गणले जानकारी दिएको छ।