नेपालमा आज ४९६१ जना कोरोना संक्रमण पुष्टि, तीन जनाको मृत्यु

काठमाडौं : नेपालमा आज थप ४९६१ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर १५ हजार १३१ नमुना परीक्षण गर्दा ४९६१ जनामा कोरोना संक्रमण पुष्टि भएको हो ।

देशभर गरिएको १२ हजार ५७३ पीसीआर परीक्षणका क्रममा ४ हजार ५३४ जना र २ हजार ५६९ एन्टिजेन परीक्षणका क्रममा ४२७ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

यससँगै देशभर कोरोनाको सक्रिय संक्रमितको संख्या २५ हजार ६८० पुगेको मन्त्रालयले जानकारी दिएको छ । पछिल्लो २४ घण्टामा ४३५ जना संक्रमणमुक्त भएका छन् भने तीन जनाको मृत्यु भएको छ । हालसम्म नेपालमा कोरोनाका कारण ११ हजार ६२० जनाले ज्यान गुमाएका छन् ।