अछाममा बस दुर्घटना हुँदा दुइजनाको मृत्यु

अछाम, मंसिर १४ (ई-रैवार)

अछाममा बस दुर्घटना हुँदा दुइजनाको मृत्यु भएको छ ।धनगढीका लागि छुटेको ना ६ ख ८२९ नम्बरको बस मंगलसैनकै डाँडाबाघमा दुर्घटना हुँदा दुई जनाको मृत्यु भएको हो ।

मृत्यु हुनेमा अछामको मंगलसैन नगरपालिका–१४ का ५७ वर्षीय टंकबहादुर भण्डारी र मंगलसैन नगरपालिका–१ का २१ वर्षीय एकेन्द्र थापा रहेको सुदूरपश्चिम ट्राफिक कार्यालय अत्तरियाले बताएको छ ।

बस सडकभन्दा १० मिटर तले खसेको थियो। बसमा सवार अन्य ३६ जना घाइते भएको ट्राफिक कार्यालयले जनाएको छ। घाइतेको स्थानीय अस्पतलामा उपचार भइरहेको प्रहरीको भनाइ छ ।