वेदकोटको लिङ्गेश्वर धामका बाबा मृत भेटिए, हत्याको आशंका

कञ्चनपुर, साउन २ (ई–रैवार)

कञ्चनपुरमा एक जना बाबा मृत अवस्थामा फेला परेका छन् । कञ्चनपुरको प्रसिद्ध धार्मिक तथा पर्यटकीयस्थल लिङ्गामा बस्दै आएका बाबा किसन नाथ बाबा मृत अवस्थामा फेला परेका हुन् ।

प्रहरीका अनुसार वेदकोट नगरपालिका-४ मा पर्ने शिव लिङ्गेश्वर धाममा बस्दै आएका ७५ वर्षीय बाबा किसन नाथ मृत अवस्थामा फेला परेको हुन । जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक सिद्धराज न्यौपानेले नाथ शनिबार बिहान मृत अवस्थामा फेला परेको जानकारी दिएका छन् ।

प्रहरी प्रवक्ता न्यौपानेले अहिले घटनास्थल सिल गरेर अनुसन्धानको काम भइरहेको बताएका छन् । प्रहरीले नाथको मृत्युको कारणबारे अहिले नै केही भन्न नसकिने जनाएको छ तर स्थानीयले भने उनको हत्या भएको आशंका गरेका छन् ।