डोटीमा चक्कु प्रहारबाट एक युवक घाइते

डोटी, कार्तिक ११ (ई-रैवार)

डोटीमा चक्कु प्रहारबाट एक जना युवक घाइते भएकाछन् । डोटीको शिखर नगरपालिका वडा नं. ७ का २४ वर्षीय हर्क बलायरले सोही ठाउँका २१ वर्षीय हर्क बलायरलाई चक्कु प्रहारगरी घाइते बनाएका हुन ।

प्रहरी अनुसार डोटीको शिखर नगरपालिका वडा नं. ७ का वडाध्यक्ष नर बहादुर बलायरका २४ वर्षीय छोरा हर्क बलायरले सोही ठाउँका २१ वर्षीय हर्क बलायरलाई चक्कु प्रहार गरेको हो ।

गाउँमा लागेको दशैं मेलाका क्रममा सोमबार चक्कु प्रहार गरी गम्भिर घाइते बनाएको घाइते हर्क बलायरका दाजु कैलाश बलायरले बताए । घाइतेको धनगढी स्थित निसर्ग हस्पिटलमा उपचार भैरहेको छ ।

प्रहरीले चक्कु प्रहार गर्ने वडाध्यक्षका छोरा हर्क बलायरलाई नियन्त्रणमा लिएर थप अनुसन्धान भैरहेको जनाएको छ ।