डोटी अस्पतालको प्रयोगशालामा थप ३१ जनामा कोरोना संक्रमण पुष्टि

डोटी, कार्तिक ३ (ई-रैवार) 

डोटी अस्पतालको प्रयोगशालामा आज थप ३१ जनामा कोरोना संक्रमण पुष्टि भएको छ। जिल्ला अस्पताल डोटीको प्रयोगशालामा पछिल्लो २४ घण्टामा १ सय ९४ जनाको पीसीआर परीक्षण गर्दा थप ३१ जनामा संक्रमण पुष्टि भएको हो ।

प्रयोगशाला इन्चार्ज शौरभ श्रेष्ठले दिएको जानकारी अनुसार दिपायल सिलगढी नगरपालिकाका २० जना, बोगटान गाउपालिकाका ६ जना, शिखर नगरपालिकाका ३ जना, केआईसिंह गाउपालिका र आदर्श गाउँपालिकाका १–१ जनामा संक्रमण पुष्टि भएको हो।