धनगढीमा कोरोना संक्रमणबाट थप एक जनाको मृत्यु

धनगढी, कार्तिक २ (ई-रैवार)

धनगढीमा थप एक जना कोरोना संक्रमितको मृत्यु भएको छ । धनगढी उपमहानगरपालिका वडा नम्बर २ का ४२ बर्षीय पुरुषको होम आईसोलेसनमा बसेका समयमा मृत्यु भएको हो ।

उनी क्यान्सरबाट पिडित थिए । उनलाई क्यान्सर उपचारका लागि चितवन लगेर घरमा ल्याईएको थियो । होम आईसोलेसनमै वसेका वेला ती पुरुषको आज बिहान दुई बजे मृत्यु भएको हो ।

गत असोज १५ गते स्वाब दिएका उनमा १७ गते कोरोना पुष्टि भएको थियो । योसँगै धनगढीमा कोरोनाबाट मृत्यु हुनेको संख्या पाँच पुगेको छ ।सुदूरपश्चिममा मृतकको संख्या २५ पुगेको छ ।