नदीमा वेपत्ता भएको ९ दिनपछि बालिकाको शव भेटियो

बाजुरा,  असोज २४ (ई-रैवार)

बाजुराको हिमाली गाउँपालिका-५, कवाडी नदीमा बेपत्ता भएका एक जनाको शव फेला परेको छ । जिल्ला प्रहरी कार्यालय बाजुराका प्रमुख प्रहरी नायव उपरीक्षक मदन जित महराका अनुसार ४ वर्षकी सन्तोषी नेपालीको शव भेटिएको हो ।

अरूको अवस्था अझै अज्ञात छ । ३० वर्षीया सत्ता नेपाली १६ गते साँझ ५ वर्षीया छोरी आरती, ४ वर्षकी सन्तोषी, २ वर्षका छोरा सम्मान र एक वर्षीया छोरी किस्मतीसहित बेपत्ता भएकी थिइन् । उनीहरूको खोजी भइरहेको महराले जानकारी दिए ।