सिपी अस्पतालमा कार्यरत स्टाफ नर्समा देखियो कोरोना संक्रमण

धनगढी, भदौ १६  (ई-रैवार)

धागढीको सिपी अस्पतालमा कार्यरत एक स्टाफ नर्समा कोरोना संक्रमण पुष्टि भएको छ। सेती प्रादेशिक अस्पतालको प्रयोगशालामा भएको परीक्षणमा सिपी अस्पतालमा कार्यरत २६ वर्षीया स्टाफ नर्समा संक्रमण पुष्टि भएको हो ।

सिपी अस्पतालका सञ्चालक डाक्टर सिपी पाण्डेयका अनुसार धनगढी उप–महानगरपालिका वडा नम्वर ४ मा उनी बस्दै आएकी थिइन । उनी बस्दै आएको घरमा अन्यलाई संक्रमण देखिएपछि आईसोलेसनमा राखिएको थियो ।

केही दिनयता उनी अस्पतालमा नआएको डाक्टर पाण्डेयले बताएका छन । उनले अस्पतालको सेवा यथावत रुपमा सञ्चालन रहने बताए । यस अघि धनगढीमा सेती प्रादेशिक अस्पताल र निसर्ग अस्पतालमा कार्यरत स्वास्थ्यकर्मीमा संक्रमण देखिएको थियो ।