चट्याङले एकको मृत्यु, दुई जना घाइते

कञ्चनपुर, भदौ ९  (ई-रैवार)

चट्याङ लागेर एकजनाको मृत्यु भएको छ । भने दुईजना घाइते भएका छन् । कञ्चनपुरको बेलौरी नगरपालिका– १ बैशाखीमा चट्याङ लागेर एकजनाको मृत्यु र दुईजना घाइते भएका हुन्।

सोमबार राति च्टयाङ लागेर घाइते भएका २२ वर्षीय लोकेन्द्र चन्द गम्भीर घाइते भएका थिए । उनको कैलालीको निसर्ग अस्पतालमा उपचारका क्रममा मृत्यु भएको इलाका प्रहरी कार्यालय बेलौरीका प्रहरी निरीक्षक रणबहादुर चन्दले जानकारी दिएका छन ।

प्रहरी निरीक्षक चन्दले उक्त घटनामा परी २६ वर्षीय सुजन शाही र २० वर्षीय नरेश शाही घाइते भएको बताएका छन्। उनीहरुको धनगढीमा रहेको निसर्ग अस्पतालमा उपचार भैरहेको छ ।

घर नजिकैको राधाकृष्ण मन्दिरमा बसेर तीनै जनाले मोबाइल चलाउँदै गर्दा राति करिब ८ः२५ बजे चट्याङ लागेको प्रहरी निरीक्षक चन्दले बताइएका छन ।