कैलाश खोलामा बाढीले बगाएर बेपत्ता भएका १० जना मध्ये आज एकको शव फेला

अछाम, भदौ ८ (ई-रैवार)

कैलाश खोलामा आएको बाढीले बगाएर बेपत्ता भएका १० जना मध्ये आज एक जनाको शव फेला परेको छ । जिल्ला प्रहरी कार्यालय अछामका सूचना अधिकारी प्रहरी निरिक्षक रमेशदत्त अवस्थीले मंगलसेन नगरपालिका वडा नम्बर ३ रलेमा भटिएको जानकारी दिए । नदिले कटान गरेको रुखको जरामा अड्कीएको अवस्थामा शव भेटिएको हो ।

अविरल बर्षका कारण कैलाश खोलामा आएको बाढीले शैनी बजारका १७ जनालाई बगाएको थियो । बगाएका मध्ये ७ जनाको शव यस अघि नै भटिएका थिए । जिल्ला प्रहरी कार्यालयका अनुसार बाढीले बगाएर बेपत्ता बनाएका बाँकी ९ जनाको पनि खोजी खोजी कार्य भईरहेको छ ।

अविरल बर्षका कारण गत मंगलबार कैलाश खोलामा आएको बाढीले दर्जनौँ घर, पुल, पानी घट्ट र सयौँ रोपनी खेति योग्य जमिन समेत बगाएको थियो ।