अछामको कैलाश खोलाले बगाएर वेपत्ता भएका १७ जनाकै पहिचान खुल्यो

अछाम, भदौ ३ (ई-रैवार)

अछामको कैलाश खोलाले बगाएर वेपत्ता भएका १७ जनाको पहिचान खुलेको छ । वडा नम्बर ५ सैनिबजारबाट बगाएका स्थानीय नन्दु साउदको १० जना परिवार सहित सबैको परिचय खुलेको हो ।

वेपत्ता हुनेमा चन्द्र ब साउद, बशुन्धरा साउद, नन्द सिं साउद, गंगा साउद, रुपेस साउद, जोगा साउद, नबिन साउद, कबिता बुढा साउद, अमर बहादुर शाह, पबित्रा शाह, समिर शाह, लालसरा शाही, बशन्त शाही, गौरि शाह, सम्झना शाह, प्राप्ति साउद र बिमा साउद रहेको रामारोशन गाउँपालिका अछामका अध्यक्ष  झंकर बहादुर साउदले जानकारी दिएका छन।

सोमबार बिहान रामारोशन गाउँपालिकाको सान्तडास्थित सैनीबजारमा पसेको बाढीले कम्तीमा पनि ३० पसलहरु बगेको बताइएको छ । प्रहरीका अनुसार अहिलेसम्म ६ जनाको शव फेला परेको र १७ जना बेपत्ताको खोजी भइरहेको प्रहरीले जनाएको छ ।