प्रदेश २ का मन्त्रीमा कोरोना पुष्टि

जनकपुर, श्रावण २२ (ई-रैवार)

प्रदेश २ का एक मन्त्री कोरोना भाइरबाट संक्रमित भएका छन । तिब्र रुपमा फैलिएको कोरोना भाइरबाट प्रदेश २ सरकारका आन्तरिक मामिला तथा कानून मन्त्री ज्ञानेन्द्र यादवमा कोरोना संक्रमण पुष्टि भएको हो ।

साउन १८ गते काठमाडौँबाट फर्केर १९ गते परिक्षणका लागि स्वाब दिएका मन्त्रीको बुधबार बेलुका पोजिटिभ रिपोर्ट आएको प्रदेश २ सरकारका आन्तरिक मामिला तथा कानून मन्त्री यादवले बताएका छन ।

संक्रमित मन्त्री अस्पताल नगइ मन्त्री निवासमै आइसोलेशनमा बसेका छन् । आफूमा कुनै प्रकारको लक्षण नदेखिएकाले घरमै आइसोलेशनमा बसेको उनले जानकारी दिए । आफ्नो सम्पर्कमा आएका सबैलाई परीक्षण गराउन उनले अपिल गरेका छन् ।

प्रदेश २ मा अहिलेसम्म ५ हजार २ सय ७२ जनामा कोरोना संक्रमण पुष्टि भएको छ भने २१ जनाको मृृत्यु भएको छ ।