नुहाउने क्रममा सेती नदीमा बगेर दुई स्वास्थ्यकर्मी वेपत्ता

डोटी, साउन १७ (ई-रैवार)

सेती नदीमा नुहाउने क्रममा बगेर दुई जना स्वास्थ्यकर्मी वेपत्ता भएका छन् । डोटीको शिखर नगरपालिका १० स्थित सेती नदीमा नुहाउने क्रममा डडेल्धुरा परशुरामका हरी जोशी र बझाङ स्थायी घर भएका स्वास्थ्य सहायक बिनय सिंह वेत्तपा भएका हुन् ।

जिल्ला प्रहरी कार्यालय डोटीका प्रहरी निरिक्षक कर्ण बोहराले अहिले प्रहरी तथा स्थानीयहरुको सहयोगमा बेपत्ताको खोजी भईरहेको बताएका छन । दुबै जना स्वास्थ्यकर्मी  डडेल्धुरा अस्पतालमा कार्यरत हुन् ।

प्रहरी निरिक्षक बोहराका अनुसार ‘डडेल्धुराबाट उनीहरु शैलेश्वरीको दर्शनका लागि डोटी पुगेका थिए ।’ ‘दर्शन गरेर फर्किने क्रममा सेती नदीमा नुहाउन गएका थिए । नुहाउने क्रममा वेपत्ता भएका हुन्।’उनले भने ।