बाढीले पुल बगाउँदा आवतजावत ठप्प

कैलाली, साउन १५ (ई-रैवार)

बाढीले काठेपुल बगाउँदा आवतजावत ठप्प भएकोे छ । कैलालीको कैलारी गाउँपलिका–७ बसन्तास्थित कटैनी नदीमा बनाइएको काठेपुल बाढीले बगाउँदा आवतजावत ठप्प भएकोे छ । बुधबार आएको बाढीले आधा पुल भत्काएर बगाएको हो ।

पुल बगेपछि ओहोरदोहोर ठप्प भएको कैलारी गाउँपलिका वडा नम्बर ७ वडा कार्यालयका सचिव गणेश चौधरीले जानकारी दिए । बाढी आएपछि स्थानीयले बाँधेर पुल जोगाउने प्रयास गरेका थिए । तर, बाढीको अगाडि उनीहरुको केहि लागेन ।

कटैनी नदीमा बनाइएको पुलमार्फत सो वडास्थित रतनपुर, मोहनपुर, तिघरी, शिवपुर, नारायणपुर, बसन्ताका गाउँका स्थानीय आउजाउ गर्दै आएका थिए । पुल भत्केपछि कटैनी नदी पारि रहेका गाउँका स्थानीयलाई वडा कार्यालयसम्म आउजाउ गर्न कठिनाइ भएको सचिव चौधरीले वताए ।