दुई बर्षको सवारी करमा जरिवाना मिनाहा 

यातायात व्यवस्था कार्यालय धनगढीले आर्थिक बर्ष २०७५–०७६ र आर्थिक बर्ष २०७६–०७७ को कर असोज महिनाभित्र बुझाए जरिवाना छुट दिने निर्णय भएको जनाएको छ ।

प्रदेश सरकारको अर्थ सम्बन्धी व्यवस्थालाई कार्यान्वयन गर्न बनेको विधेयक २०७७ को दफा १४ अनुसार सो निर्णय भएको कार्यालयका निमित्त प्रमुख लक्ष्मण शाहले बताए । उनका अनुसार आगामी आर्थिक बर्षको कर भने नियमानुसार बुझाउनु पर्नेछ ।