सूचना अधिकारी ८५ हजार घुससहित पक्राउ

धनगढी, असार ३० (ई-रैवार) 
कैलालीको एक गाउँपालिकाका सूचना अधिकारी ८५ हजार घुस सहित पक्राउ परेका छन । अख्तियार दरुपयोग अनुसन्धान आयोगले जिल्लाको जोशीपुर गाउँपालिकाका नासु तथा सूचना अधिकारी सिद्धराज जोशीलाई ८५ हजार घुस सहित पक्राउ गरेको हो ।

अख्तियार दरुपयोग अनुसन्धान आयोग कञ्चनपुरको टोलीले जोशीपुर गाउँपालिकाका नासु तथा सूचना अधिकारी जोशी ८५ हजार घुस सहित पक्राउ गरेको बताएइको छ ।

कार्यालयका निमित्त प्रमुख महेश पाण्डेयका अनुसार नासु तथा सूचना अधिकारी जोशीले जोशीपुर गाउँपालिकामा सीपमुलक तालिममा सहजीकरण गरेको भन्दै ८५ हजार घुस लिएका छन ।