डडेल्धुरामा पानीको थैली सहितको बच्चा जन्मियो

डडेल्धुरा असार २१(ई-रैवार)

डडेल्धुरा अस्पतालमा डोटीकी एक आमाले पानीको थैली सहित शिशुको जन्म दिएकी छन । दिपायल सिलगढी नगरपालिकाकी २८ वर्षीया आमाले शल्यक्रिया मार्फत प्रसूति गराउने क्रममा यस्तो बच्चा जन्माएकी हुन । ’

यस्तो जन्म निकै दुर्लभ हुने चिकित्सकहरू बताउछन् । ‘इन काउल बर्थ’ भनिने यस्तो घटना प्रसूति प्रकृयामा निकै दुर्लभ मानिने डडेल्धुरा अस्पतालका प्रसूति तथा स्त्री रोग विशेषज्ञ डा. राजन शाहले बताए ।

डाक्टर शाहका अनुसार जुम्ल्याहा शिशुलाई जन्म दिएकी ती आमाले दोस्रोपटक निकालिएका शिशु पानीको थैलीसहितको जन्मिएको हो। उनकोे तौल दुई किलो ६ सय ग्राम रहेको अस्पतालले जनाएको छ।

डा. शाहका अनुसार अनुसार यस्तो घटना ८० हजार जन्ममा एउटा हुने गर्दछ। सबै बच्चा गर्भमा रहँदा पानीको थैलीमा हुने गरेपनि जन्मिने क्रममा प्रायः यो थैली आफैँ फुट्ने गर्दछ।