राजाको तस्बिर भएका नोट चलनचल्तीमा नल्याउन राष्ट्र बैंकको निर्देशन

काठमण्डौँ जेठ ११(ई-रैवार)

नेपाल राष्ट्र बैङ्कले बैङ्क तथा वित्तीय संस्थाहरूलाई राजाको तस्वीर भएको नोट चलन चल्तीमा नल्याउन आइतबार निर्देशन दिएको  छ । राष्ट्र बैङ्कले सर्वसाधारणबाट आएको राजाको तस्वीरसहितको नोट पुन: सर्वसाधारणमा प्रवाह नगर्न भनेको हो ।

तत्कालै यी नोटहरू प्रतिबन्धित भने हुने छैनन् । सर्वसाधारणले बैङ्कमा बुझाएकाहरू बैङ्कमार्फत राष्ट्र बैङ्कमा खिचेर त्यसलाई पुन: बजारमा नपठाउने राष्ट्र बैङ्कको तयारी छ ।

सफा नोट नीति कार्यान्वयन गराउन भदै राष्ट्र बैङ्कले यो निर्देशन जारी गरेको हो ।