पर्साका दुईजना पत्रकारमा कोरोना संक्रमण

काठमाडौँ वैशाख ३०(ई-रैवार)

पर्सामा मंगलवार पुष्टी भएका ३९ जनामा कोरोना भाइरस (कोभिड – १९) संक्रमितमध्ये  दुईजना पत्रकार रहेको खुलेको छ ।

नारायणी अस्पतालका  मेडिकल सुपरिटेन्डेन्ट डा. मदनकुमार उपाध्यायले  ३९ संक्रमितमध्ये दुईजना सञ्चारकर्मी रहेको बताए । ‘उहाँहरु जिल्लाका अगुवा सञ्चारकर्मी पनि हुनुहुन्छ । रिपोर्टिङका क्रममा कतै एक्सपोजर भइयो कि भनेर स्वाब दिनु भएको रहेछ । रिपोर्ट पोजेटिभ आएको जानकारी पाएको छु,’  डा मदनकुमार उपाध्यायले भने ।

उनले फिल्डमा खटिने सञ्चारकर्मीमा समेत अति जोखिम रहेको भन्दै जोखिएर रिपोर्टिङ गर्न आग्रह गरे ।