रसुवा बाढी अपडेट : १६ जनाको मृत्यु, ३६ घाइतेको उद्धार

काठमाडौँ । तिब्बततर्फबाट रसुवाको त्रिशूली नदीमा आएको भीषण बाढीमा परी १६ जनाको मृत्यु भएको छ भने ३६ जना घाइते भएका छन्।

बागमती प्रदेश प्रहरी कार्यालयले बुधबार पौने ४ बजे सार्वजनिक गरेको विवरणअनुसार बाढीमा परी रसुवामा १, नुवाकोटमा ९ र धादिङमा ६ जनाको मृत्यु भएको हो।

प्रहरीका अनुसार मृतकमध्ये ७ महिला र ८ पुरुष छन्। एक जनाको भने पहिचान खुल्न बाँकी छ। बाढीमा घाइते भएकामध्ये रसुवाबाट १३, नुवाकोटबाट १९ र धादिङबाट ३ जनाको उद्धार गरिएको प्रहरीले जनाएको छ।

बाढीपछि त्रिशूली तथा भोटेकोशी नदीको तल्लो तटीय क्षेत्रमा समेत उच्च जोखिम देखिएको छ। खोज तथा उद्धार कार्य जारी रहेको प्रहरीले जनाएको छ।