सुदूरपश्चिम सरकारले सागमा पदक जित्नेलाई सम्मान गर्ने

धनगढी, मंसिर २६ (ई–रैवार)

सुदूरपश्चिम प्रदेश सरकारले १३औँ दक्षिण एसियाली खेलकुद प्रतियोगिता (साग) का पदक विजेता खेलाडीहरूलाई सम्मान स्वरुप १ लाखसम्म नगद पुरस्कार दिने भएको छ ।
सुदूरपश्चिम प्रदेशवाट राष्ट्रको प्रतिनिधित्व गर्दै सागमा पदक विजेताहरुलाई सुदूरपश्चिमका मुख्यमन्त्री त्रिलोचन भट्टले सम्मान स्वरुप पुरुस्कृत गर्ने घोषणा गरेको उनका प्रमुख स्वकीय सचिव शिवसिं ओलीले जानकारी दिए ।
उनका अनुसार साग खेलकूदमा स्वर्ण विजेता खेलाडीलाई १ लाख, रजत विजेतालाई ५० हजार र काश्य विजेतालाई ३० हजार नगदसहित सम्मान गरिने छ । ‘खेलाडीहरूको उत्प्रेरणा बढाउने उद्देश्यले मुख्यमन्त्री ज्यूले घोषणा गर्नुभएको हो’ उनले भने, ‘सबै प्रक्रिया पुरा गरेर सामाजिक विकास मन्त्रालयबाट रकम हस्तान्तरण गरिने छ ।’