डोटीमा शिक्षकले गरे आफ्नै श्रीमतीको हत्या

डोटी : डोटीमा एक जना शिक्षकले आफ्नै श्रीमतीको हत्या गरेका छन् ।

जोरायल गाउँपालिका- ४ देउथली बस्ने ५१ वर्षीय चन्द्र बहादुर ओलीले मादक पदार्थ सेवन गरेर श्रीमती ४७ वर्षीया अमृता ओलीकाे हत्या गरेकाे प्रहरीले जनाएको हो ।

जिल्ला प्रहरी कार्यालय डोटीका प्रवक्ता प्रहरी नायब उपरीक्षक(डीएसपी) रणबहादुर चन्दले बुधबार दिउँसो पाैने २ बजेतिर ओलीले श्रीमतीमाथि कुटपिट गरेर गम्भीर बनाएका थिए।

उनकाे पेटको वाँया भागमा चोट लागेर घाइते भएपछि उपचारका  लागी स्वास्थ्य चौकी चन्कट्टे पठाएकाे थियाे तर अवस्था गम्भीर भएपछि धनगढी रेफर गरिएको चन्दले बताए ।

उनलाई सेती प्रादेशिक अस्पताल पुगाइएकाेमा चिकित्सकले चेकजाँच गर्दा मृत घाेषणा गरेकाे डीएसपी चन्दले बताए ।

श्रीमतीको हत्या गरेकाे आराेपमा शिक्षक चन्द्र बहादुर ओलीलाई प्रहरीले पक्राउ गरेकाे छ । उनी स्थानीय जगदम्बा आधारभूत विद्यालयका शिक्षक समेत हुन् ।

घटनाबारे थप अनुसन्धान भइरहेकाे प्रहरीले जनाएको छ ।