नदीमा डुबेर दाजुभाइको मृत्यु

धनगढी । नदीमा डुबेर दाजुभाइको मृत्यु भएको छ । प्रहरीका अनुसार कैलालीको गौरीगंगा नगरपालिका- ११ स्थित सुर्मा खोलामा डुबेर दाजुभाइको मृत्यु भएको हो ।

गौरीगंगा नगरपालिका–११ ऐठाका लालु धामीका २५ वर्षीय छोरा उमेश धामी र २० वर्षीय प्रकाश धामीको लिक्मा नदीमा डुबेर मृत्यु भएको इलाका प्रहरी कार्यालय मसुरियाले जनाएको छ।

उनीहरू के कारण नदीमा डुबेका थिए भन्ने स्पष्ट जानकारी भने छैन । घटनाको कारण र थप विवरणबारे अनुसन्धान भइरहेको जिल्ला प्रहरी कार्यालय कैलालीले जनाएको छ ।

उनीहरुलाई नदीमा डुबेको अवस्थामा प्रहरीले बिहिवार दिउँसो ३ बजेको समयमा उद्धार गरि सेती प्रादेशिक अस्पताल पुर्‍याएको थियो। चिकित्सकले दुवैलाई मृत घोषणा गरेको प्रहरीले जनाएको छ ।