डेढ किलो अफिमसहित कैलालीमा २ जना पक्राउ

धनगढी । कैलालीमा डेढ किलो बढी अफिमसहित दुई जनालाई पक्राउ परेका छन् । जिल्ला प्रहरी कार्यालय कैलालीले दिएको जानकारी अनुसार चिसापानीमा रहेको प्याराडाइज होटलबाट एक किलो ७०६ ग्राम लागुऔषध अफिमसहित दुई जनालाई पक्राउ गरिएको हो ।

लम्की(चुहा नगरपालिका–३ को चिसापानीमा रहेको प्याराडाइज होटलबाट पक्राउ पर्नेमा जुम्लाको गुठीचौर गाउँपालिका(४ बस्ने ३८ वर्षीय मेघराज खत्री र जाजरकोटको बारेकोट गाउँपालिका(३ का ३२ वर्षीय भक्तबहादुर शाही रहेका छन् ।

प्रहरीका अनुसार उनीहरूलाई विशेष सूचनाको आधारमा लागुऔषध नियन्त्रण ब्युरो शाखा कार्यालय महेन्द्रनगर र इलाका प्रहरी कार्यालय चिसापानीबाट खटिएको संयुक्त प्रहरी टोलीले पक्राउ गरेको हो ।