करेन्ट लागेर धनगढीमा एक महिलाको मृत्यु

धनगढी । धनगढीमा करेन्ट लागेर एक महिलाको मृत्यु भएको छ । प्रहरीका अनुसार कैलालीको धनगढी उपमहानगरपालिका–१९ फूलबारी बस्ने अन्दाजी २५ वर्षीया विमला कुँवरको करेन्ट लागेर मृत्यु भएको हो ।

जिल्ला प्रहरी कार्यालय कैलालीले दिएको जानकारी अनुसार कुँवरलाई मोटरबाट पानी तान्ने क्रममा करेन्ट लागेको हो । घाइते भएकी उनलाई उपचारका लागि सेती प्रादेशिक अस्पताल धनगढी पुर्‍याएपछि डाक्टरले मृत घोषणा गरेका हुन ।

उक्त घटनामा विमलाका तीन वर्षीय छोरा प्रजल कुँवर घाइते भएका छन् । उनको सेती प्रादेशिक अस्पतालमा उपचार भइरहेको प्रहरीले जनाएको छ ।