डोटीमा गाउँपालिका स्तरीय बोगटान प्रिमियम लिग हुने

बोगटान । डोटीमा असोज २० गतेबाट बोगटान प्रिमियम लिग हुने भएको छ । जिल्लाको बोगटान फुड्सिल गाउँपालिकामा गाउँपालिका स्तरीय बोगटान प्रिमियम लिग बिपिएल पुरुष क्रिकेट प्रतियोगिता हुने भएको हो ।

बोगटान फुड्सिल गाउँपालिका र वडा नम्बर २ को मुख्य प्रायोजन तथा अन्य ६ ओटा वडाको प्रायोजन र बोगटान युवा सञ्जालको आयोजनामा प्रतियोगिता सञ्चालन हुन लागेको हो ।

दसैँ तथा दीपावलीको अवसरमा वडा नम्बर ६ गगुडामा प्रतियोगिता सञ्चालन हुन लागेको युवा सञ्जालका महासचिव समीर केसीले बताएका हुन ।

बोगटान युवा सञ्जालका अनुसार प्रतियोगिताका लागि असोज १८ र १९ गते टिम दर्ता गर्न सकिनेछ । टिम दर्ता शुल्क ३ हजार पाँच सय रहेको छ । प्रतियोगिताको विजेताले नगद ५० हजार पुरस्कार पाउनेछ ।

द्वितीयले नगद ३० हजार, उत्कृष्ट खेलाडीले तीन हजार पाँच सय, उत्कृष्ट ब्याट्सम्यानले दुई हजार र उत्कृष्ट बलरले दुई हजार पाउनेछन् ।