लम्कीचहुामा ट्याक्टरको ठक्करबाट पैदल यात्रीको मृत्यु

लम्की । ट्याक्टरको ठक्करबाट एक पैदल यात्रीको मृत्यु भएको छ। कैलालीको लम्कीचहुा नगरपापलका–३ व्यवस्थितनगरका ५२ वर्षीय केशरबहादुर रावलको मृत्यु भएको हो।

जिल्ला प्रहरी कार्यालय कैलालीका अनुसार लम्कीचहुा नगरपापलका–३ व्यवस्थितनगरको भित्रि सडक खण्डमा दक्षिणबाट उत्तरतर्फ आउँदै गरेको से २ त ६४० नम्बरको ट्याक्टरले केशरबहादुरलाई आइतबार ठक्कर दिएको हो।

जिल्ला प्रहरी कार्यालय कैलालीका डिएसपी कविन्द्र बोहराले केशरबहादुरको लालरत्न अस्पतालमा उपचारको क्रममा मुत्यु भएको बताएका छन्।

इलाका प्रहरी कार्यालय लम्कीले घटनापछि ट्याक्टर र ट्याक्टर चालक जानकी गाउँपालिका–५ बस्ने ३० वर्षीय राजाराम चौधरीलाई नियन्त्रणमा लिएर अनुसन्धान गरिरहेको जनाएको छ।