February 24, 2024, Saturday
१२ फाल्गुन २०८०, शनिबार

धनगढीको एक घरबाट ८ तोला सुनका गहना र ३ लाख नगद चोरी

धनगढी । धनगढीको एक घरमा ८ तोला सुनका गहना र ३ लाख नगद चोरी भएको छ । धनगढी उपमहानगरपालिका ४ तारानगरमा पुजाका लागि पहाड घर डोटी गएका बेला स्थानीय करन बानियको घरमा चोरी भएको प्रहरीले जनाएको हो ।

सपरिवार बुधबार पुजाका लागि डोटी गएका बेला घरमा आइतबार घरमा पुग्दा चोरी भएको थाहा भएको बानियाले बताएका हुन । चोरले घरमा रहेको पुजा कोठाबाट नगद, दराज फोडेर नगद र गरहना चोरी लगेको घरधनी बानियाले जानकारी दिए ।

उनको घरबाट सुनका गरगहना ८ सुन तोला, तिन लाख नगद, ४ तोला चादी सामाग्री लगेको बताएका छन् । घरको ढोका तोडेर चोरी भएको बताईएको छ ।

आइतबार साँझ घर पुग्दा चोरी भएको प्रहरीलाई खबर गरिएको थियो । आज निवेदन दर्ता गराएर अनुसन्धान अगाडि बढाइने जिल्ला प्रहरी कार्यालय कैलालीले जनाएको छ ।