कञ्चनपुरमा बाघको आक्रमणबाट बेपत्ता चन्दको शव फेला

धनगढी । कञ्चनपुरमा बाघको आक्रमणमा परी बेपत्ता भएकी महिलाको शव फेला परेको छ । बाघको आक्रमणमा बेपत्ता भएकी बेलौरी नगरपालिका–८ पचुइकी गंगा चन्दको शव फेला परेको हो ।

आज बिहान बाघ फेला परेको स्थान नजिकैको दलदलमा महिलाको शव फेला परेको सब–डिभिजन वन कार्यालयले जनाएको हो । झन्डै २२ घण्टापछि शनिबार चन्दको फेला परेको सब–डिभिजन वन कार्यालय कुन्डाका प्रमुख दिनेश यादवले जानकारी दिएका हुन ।

बाघ फेला परेको स्थान नजिकैको दलदलमा महिलाको शव फेला परेको थियो । शुक्रबार दिउँसो घाँस काट्न गएकी चन्दमाथि बाघले आक्रमण गरेको थियो । बर्दिया राष्ट्रिय निकुञ्जबाट आएको प्राविधिक टोलीले बाघलाई नियन्त्रणमा लिएको छ ।